Oor Laerskool Midstream Ridge Primary
Laerskool Midstream Ridge Primary is ʼn parallellemedium skool, gevestig in die hart van Midstream Estates. Ons deure het in 2014 geopen en sedertdien het ons net van krag tot krag gegaan. Soos die jare verloop het, het ons ʼn sterk etos, gebaseer op ʼn Christelike fondasie, ontwikkel.
Laerskool Midstream Ridge Primary is ʼn skool waar enige iemand die geleentheid het om uit te blink in ʼn verskeidenheid areas. Dit is deels te danke aan ons uitstaande fasiliteite, maar ook vanweë ʼn toegewyde span opvoeders en spesialiste wat streef om te groei in hul onderskeie velde en aan die fondasie van elke leerder bou.
Die buitemuurse program van die skool is besonders en verseker dat ons leerders holisties, binne ʼn veilige omgewing, kan ontwikkel. Ons glo dat elke leerder ʼn rol in die skool het om te speel en ons moedig hul aan om hul passie te vind, hetsy dit kultuur, sport of akademie is. Ons is ʼn familie wat saam lag, huil, en saam leer en wat sal aanhou om te streef na dit wat buite verwagting is.
Midstream-Skole bestaan tans uit Laerskool Midstream Ridge Primary, Laerskool Midstream College Primary en Midstream College Hoërskool.
Boodskap van die hoof
Mnr. Nico Loggenberg
Welkom by Laerskool Midstream Ridge Primary, ʼn unieke Christelik gebaseerde laerskool waar ons nie net op akademiese uitnemendheid fokus nie, maar ook op die ontwikkeling van waardes en tradisies wat ons leerders vir die lewe voorberei. Ons leuse, “Strewe na Excellentia”, is nie net ʼn frase nie, maar ʼn lewenswyse wat elke aspek van ons skool se kultuur vorm.
By Laerskool Midstream Ridge Primary, glo ons dat ʼn veilige en ondersteunende omgewing die grondslag vir sukses is. Ons skep ʼn warm atmosfeer waar elke leerder, onderwyser en ouer deel van ons gesin is. Ons omgee-kultuur is die hart van ons skool, waar ons mekaar ondersteun, aanmoedig en inspireer om ons beste te wees. Soos die bekende opvoeder, Nelson Mandela, gesê het: “Onderwys is die grootste wapen wat jy kan gebruik om die wêreld te verander.”
Ons is trots op puik fasiliteite, asook ons ryk tradisies wat nie net ons skool se identiteit vorm nie, maar ook ʼn gevoel van behoort en trots skep.
Ons nooi jou uit om meer oor ons skool te leer en om deel te word van ons opwindende reis na uitnemendheid. By Laerskool Midstream Ridge Primary is jy nie net ʼn leerder nie; jy is ʼn deel van ʼn gemeenskap wat omgee, ondersteun en saamstrewe na ʼn blink toekoms.
Met vriendelike groete
Skoolhoof
Nico Loggenberg
Kalender
Skoolkwartale 2026Kwartaal 1: 12 Januarie – 27 MaartKwartaal 2: 14 April – 26 JunieKwartaal 3: 21 Julie – 23 SeptemberKwartaal 4: 13 Oktober – 2 Desember | ||
Openbare vakansiedae | ||
| 1 Januarie – Nuwejaarsdag 21 Maart – Menseregtedag 3 April – Goeie Vrydag 6 April – Gesinsdag 27 April – Vryheidsdag 1 Mei – Werkersdag | 16 Junie – Jeugdag 9 Augustus – Nasionale Vrouedag 24 September – Erfenisdag 16 Desember – Versoeningsdag 25 Desember – Kersdag 26 Desember – Welwillendheidsdag | |
Fasiliteite
By Laerskool Midstream Ridge Primary, spog ons met verskeie top-gehalte fasiliteite om akademiese-, sport- en kulturele-ontwikkeling te bevorder en aan te moedig.
Daar is geen gebrek aan geleenthede om in sport betrokke te raak nie. Ons sport fasiliteite sluit in:
3 Rugbyvelde
3 Krieketblaaie
1 Atletiekbaan
6 Netbalbane
ʼn Swembad
Tennisbane
Muurbalbane
Op die kulturele front, spog ons met ʼn wêreldklas ouditorium, twee musiekkamers, sowel as verskeie individuele musieklokale vir individuele lesse.
Ons klaskamers is modern en sluit drie rekenaarsentrums, sowel as vier wetenskaplaboratoriums in. Ons biblioteek word gereeld opgedateer met die nuutste skool literatuur.
